1.#गजल
एउटा जीवन बाँच्न कैयौ चोटि मर्नु पर्छ
तिमी भन्छौ रुँदा पक्का आँशु झर्नु पर्छ
यो पत्थरमा हेर ,मैले प्राण फुकिदिएँ
यसले म माथि नै अब शासन गर्नु पर्छ
किनार चुमि बस्नु समयको बर्बादि हो
यस्तो प्यास मेट्न तिम्ले सागर तर्नु पर्छ।
2.गजल
आज चाहिँ त्यो मोरालाइ, सताइदिन्छु जे त होला
यो गर्मीमा भित्रै देखि~~ तताइ दिन्छु जे त होला
सपनामा देखेँ भन्दै, मिठा मिठा~~ कुरा गर्दै
कल्पनामै नयाँ स्वाद, चटाइदिन्छु जे त होला
हिउँ पनि पग्लिजान्छ घामको राफ पायो भने
होश हवाश उड्ने गरि, मताइदिन्छु जे त होला
3.
खोला तरेको पनि कर लाग्छ रे अव त
डेरा सरेको पनि कर लाग्छ रे अव त॥
सम्हालिनु जहाँ पायो त्यही नरुनु कोही,
आँसु झरेको पनि कर लाग्छ रे अव त।
उल्लंघन गरि सक्यो प्रकृति को नियम,
जन्मे मरेको पनि कर लाग्छ रे अव त।
आफ्नै कुवा निशुल्क नठान्नु कसैले,
पानी भरेको पनि कर लाग्छ रे अव त॥
4.
म फुले भने
तिम्रै हृदयमा फुल्नेछु
म भुले भने
तिम्रै यादमा भुल्नेछु
म हासे भने
तिम्रै खुसीमा हाँस्नेछु
म रोए भने
तिम्रै बेदनामा हुनेछु
म पोखीए भने
तिम्रो सिउँदो भरी हुनेछु
म निदाए भने
सपनिमा तिम्रो समीप हुनेछु
म हराए भने
तिमीलाई कल्पनाको अङ्गालोमा
छातीभरी अटाइ रहेको हुनेछु😍
5.
आज आफै दोधारमा छु।
जित-हारको संघारमा छु॥
कसरी पारी तारुँ तिमीलाई,
आफै डुबाउने जंघारमा छु।
नखोज्नु डालीको फुलमा,
भुईमा लत्रेको झारमा छु।
थामी राख्नु आफ्नो ईज्जत,
हर क्षण यहि आभारमा छु।
नलगाए मन दाया बाया,
म पनि त निकै हतारमा छु।
तिम्रो सपना पूरा गर्न,
एक्लै साउदि कतारमा छु॥
6.
यहाँ शब्द शब्दमा पोखिन्छ माया।
धन सम्पत्ति सँग जोखिन्छ माया॥
मन कोसँग मिलेको छ थाह हुदैन,
कसैको दौलतमा गई ठोकिन्छ माया।
अहँ बिस्वास त पटक्कै छदै छैन,
स्वार्थ पूरा गरेपछि रोकिन्छ माया।
अदृश्य भावना पो हुनुपर्ने थियो,
गरुँगो समान झैं बोकिन्छ माया॥
7.
तिम्रो घर तिम्रो मेरो कुरा लेराआउछु।
ज्योतिषी र मान्यजन पूरा लेराआउछु॥
जवरजस्ती हुन सक्छ देनन भने बा ले
तेसैले त दुई चार जना शुरा लेराआउछु
दिदै दिन्न भनछन अरे तिम्रा दाजु भाईले
तिमलाई पाउन जेनि गर्छु छुरा लेराआउछु
साम दाम दण्ड भेद अपनाउने सोच छ
शंका छैन ढुक्क सग चुरा लेराआउछु॥
8.
म गर्व गर्दछु, तिमि घमण्ड गर्छौ
यही फरक छ, संस्कार र रीतमा
तिमि किन्न चाह्यौ~ म चिन्न चाहें
यही त फरक छ~ प्रेम र प्रीतमा
तिमि धनको कुरो गर्छौ,म मनको
यही त फरक छ,कर्म र नसीबमा
तिमि कुकुर पाल्छौ,म गाई पाल्छु
यही त फरक छ~धनी र गरीबमा
9.
यही मृत्तिकामा झरेको निकै भो ।
तिमीले गुनासो गरेको निकै भो ।।
म हेर्दैछु पैसा तिमी बालबच्चा ।
त्यसैले नि माया मरेको निकै भो ।
कतै छैन आगो कतै छैन सूर्य ।
यहाँ रात साँच्चै परेको निकै भो।
कहाँ थेग्न सक्थे सधैं भोक तिर्खा
हुँदा पीर डेरा सरेको निकै भो ।।
10.
जाबो एउटा पेट पाल्न के-के गर्नु परेन ?
कतै साचो कतै झुटो बोलेको छ यो ज्यानले
घाम लाग्दा घामै छिर्ने पानी पर्दा पानी छिर्ने
यस्तो ओड़ो शुद्ध धरी ओडेको छ यो ज्यानले
श्रम बेच्न नपाएर आफैलाई बेच्नु पर्यो
दुखियाको भाग्यै सस्तो बुझेको छ यो ज्यानले
11.
सँगै बस्न गतिलो धुरी भएन।
भकारीमा धानको मुरी भएन॥
टाठा बाठा गाउँमा टिकेकेै छन,
आफ्नो त केही चुरिफुरी भएन।
वारि बाँझो छ उनी शहरमा,
सहयोग गर्दिने पाखुरी भएन।
मिहिनेत गर्थें आफ्नै ठाउँमा
राम्रो ज्याला मजदुरी भएन।
राजनीति गर्ने मौलाएकै छन,
त्यहि गर्न नी बहादुरी भएन॥
12.
पहिले गुरूले सिकाए,अहिले चेलाले सिकाए।
दुबैलाई दुबैका आ-आफ्ना, बेलाले सिकाए।
दायाँ बायाँ दुबैमा छचल्किने ,👁👁नयनका,
आँसुका भेल रोक्न भने,यिनै परेलाले सिकाए।
जिन्दगी का हरेक मोडमा, चुनौती थपिए पनी,
जिबन जिऊनेकला,हत्केलाका ठेलाले सिकाए।
13.
मान्छेले असीमित रहर बनायो।
आफैंलाई पिउन जहर बनायो॥
जित्न थाल्यो प्रकृती लाई पनि,
जंगल फडानी गरी शहर बनायो।
प्रतिस्पर्धा गरि आफू-आफुमा,
जित र हार को लहर बनायो।
मारेर बलवान पशु लाई पनि,
आफ्नो पौष्टिक आहर बनायो।
कदापि सकेन मृत्युु लाई जित्न,
नचाहेरै जानुपर्ने ठहर बनायो॥
14.
आउँछु भनी मलाई किन ढाँटयौ निष्ठुरी?
धन सँग माया किन साँटयौ निष्ठुरी??
यदि मेरो गल्ती भए सम्झाउन सक्थेउ,
अर्काको जुठो किन चाटयौ निष्ठुरी?
नजिकको मन मन्दिरलाई चिन्न नसकेर,
नौ डाँडा पारि किन आँटयौ निष्ठुरी?
बिस्वास गरि तिमिलाई मन पेट खोल्दा,
दुष्मन सामु मेरै कुरा काटयौ निष्ठुरी??
15.
हाम्रो घरबार चल्दै थियो।
धिपधिप दियो बल्दै थियो॥
अनायासै खोई के सोचि,
भरखर प्रेम फल्दै थियो।
छाडछु भनी धम्कि दिई,
शंका ले दिल जल्दै थियो।
जसोतसो जोगाई राखें,
तैनि यो मन गल्दै थियो।
कचकच लेत सिमा नाघ्यो,
सोचेँ यो ज्यान ढल्दै थियो।
बच्चा थिए र विवश भएँ,
भाग्यले पनि छल्दै थियो॥
16.
म आफै बेसहारा,
तिमीलाई सहारा कसरी दिनु ?
आफ्नै आंसु भारी छन,
तिम्रा कसरी पिउनु ?
आफै मृत्यु कुर्दै छु,
तिम्रो लागि कसरी जिउनु?
17.
सपना त्यो बेला पनि देखिन्थ्यो
जुन बेला
मेरो सपनाको भुगोल भित्र
मात्र म अटाउँथे !
सपना अहिले पनि देखिन्छ
तर अहिले
मेरो सपनाको भुगोल भित्र
सिङ्गो भूगोल अटाउँछ !
हो! मेरा सपना
अब मेरा मात्र रहेनन् ।
किन कि
म बाँच्ने कुनै बेग्लै भूगोल छैन ।
18.
कहिलेकाहि किनहोला भेटमै रिसाउने
मन बिसाउन पाकै छैन गेटमै रिसाउने
निष्ठुरिलाइ खुशीपार्न कहिल्यै सकिएन
जहिलेभयो मानै खोज्ने रेटमै रिसाउन
कहिले होला मेरोराजा यता आउनुभन्ने
बोली भुइँमा खस्याछैन नेटमै रिसाउने
कालो दिधारगोरो हुन्थ्यो खुशी भइबस्दा
खुशी फूल्न कैल्यैपान मिनेटमै रिसाउने
19.
घरको यादले सताउछ मन जल्छ आमा !
अर्धचेत भै प्रदेश मा शरीर ढल्छ आमा !
दु:ख परे साथ दिने छैनन् कोहि साथमा,
भाग्य पनि खोटो भै मैलाई छल्छ आमा !
मेशिनको झै काम यता दु:ख पनि अति ,
थकित हुन्छु मेरो शरीर सार्है गल्छ आमा!
20.
साथीभाईको समझना, यसरी नै मेटिए।।
बाल्यकाल गाऊँ घरमै, गुजारामा रेटिए।।
साहित्यमा रमाउने, मान्छे थिए कहिले।।
आजभोली ट्विटर, फेसबुकमा भेटिए।।
सुनौलो भबिष्य, कैद गरेर सञ्जालमा।।
अपरिचित भई, स्मार्टफोनमा समेटिए।।
21.
दुई चार पैसा कमाउन मुग्लान पसियो।
सुखी जिवन बनाउन मुग्लान पसियो।
अहिले दु:खगर्दा पछि सुख मिल्लाकी?
परीवारमा सधैँ रमाउन मुग्लान पसियो।
गैरी घरका माजनबा दिनै कचकच गर्ने;
साहुको बचन थमाउन मुग्लान पसियो।
दु:ख गरे बा आमाले खाई नखाई सधैँ;
बुढेसकालमा हँसाउन मुग्लान पसियो।
22.
तिमी त गाउँकी जुन थियौ ,
शहर आए पछि सुन भईछौ।
त्यसैले त मोल तोल हुँदो रहेछ,
जसले पनी फुक्ने बेलुन भईछौ।
अब रहला र चुरिफुरी कति दिन?
कुनै दिन तरकारीको नुन हुनेछौ।
साथ छाड्ने छन स्वार्थी सबैले,
अन्न सँगै पिसिने घुन हुनेछौ ॥
23.
उनी सँग छुटेदेखि हाँस्ने खेल्ने बानी हरायो
यस्तो लाग्छ जिन्दगी मिठो कहानी हरायो!!
भुल्छु भनेर भुल्न कहाँ सकिन्छ र यादहरु !
उसै सँग जोडिएको एउटा जिन्दगानि हरायो
अब त दिन पनि रात जस्तै लाग्न थाल्यो सधैं
अन्धकार छाएपछि,सुन्दर त्यो बिहानी हरायो।
24.
पापी समाजले जाल पार्यो।
निर्दयी अाएर काल पार्यो॥
आफ्ना बहर काममा हिँडे,
अर्काको गोरुले ताल पार्यो।
घर छाडेर डेरा सरे पछि,
खराब जतिलाई माल पर्यो।
पाप कति टिक्थ्यो र हजुर,
जरुवा परेछ र गाल पार्यो॥
25.
म कुरेर बस्छु तिमी लुकेर आउनु।।
दुश्मनले देख्लान् आँखा छलेर आउनु।।
फोन गर्नलाई पैसा मोबाईलमा छैन,,
मीस्कल गर्छु तिमी बुझेर आउनु।।
कुरा काट्ने कुरौटेको कमी छैन यहाँ।।
नचिनिने गरी सल ओढेर आउनु।।
घरमा पनि गाह्रो होला तिमीलाई,,
साथीकोमा जान्छु भनि ढाँटेर आउनु।
26.
छोरो थियो र त केही पाउने आश आयो।
डेरा छाडियो आफ्नै पक्कि बास आयो॥
जिन्दगी ज्याला मजदुरिमा नै बित्दै थियो,
बिदेशी पैसा आउन थाल्यो र सास आयो।
गरिबको खुशी धेरै देख्न चाहेन पापि दैबले,
२ बर्ष नपुग्दै बाकसमा छोराको लास आयो।।
27.
छेकेर मृत्यु छेकिने भए !
हेरेर काल देखिने भए !!
मान्छेले आफ्नो भाग्य आफै लेख्थ्यो होला ,
भाबिले लेखेको मेटिने भए ॥
जोखेर माया जोखिने भए !
अशुद्ध आत्मा चोखिने भए !!
माया राख्ने पनि सुरक्षित गोदाम हुन्थ्यो होला ,
सामान जस्तो पोखिने भए ॥
28.
घरै माथी देखि पहिरो खसेको देख
बेसिखेत फाँटमा बाढी पसेको देखे
देखेँ सपना विहान बिउँझने बेलामा
प्रकृतिले मेरे गाँउ लाई डसेको देखे
मरेछन् टुल्के ठुले माईली साईलीहरु
मलामीले कात्रो र अर्ति कसेको देखे
सहयोग भन्दै नेताले राजनीति पो गरे
भावनात्मक भोटको मलम घसेको देखे
29.
टाढा थियौ बस्ति देखि,जुनेली को रात थियो।
एकान्तमा हामी दुईको,हात माथि हात थियो॥
अन्माएको दुलही झै टोलाएर बसेकि थिईन,
झुकेका ती परेलिमा, मात माथि मात थियो ।
बोल्न खोज्दा सर्माएर अर्को तिर फर्किएकि,
लुकि हेर्दा अनुहारमा, चाहनाको खात थियो॥
एकान्तमा हामी दुईको,हात माथि हात थियो।।
30.
कहिले अाँखाबाट अाशु पोखेर रोएँ
कहिले दुख अनि सुख जोखेर रोएँ
सुख भन्दा वझिलो दुखको तराजु
थामिएन मनमा अनेक सोचेर रोएँ
सम्झिएर हलुका कोखिलामा राखे
गह्राै भो अनि थाप्लामा बोकेर रोएँ
गन्तव्य भेटन हिडेको यो जिन्दगी
अनगिन्ती पाईला पनि रोकेर रोएँ।।
कोई टिप्पणी नहीं:
एक टिप्पणी भेजें